தாபம்

கொஞ்ச வரும் நேரத்தில்
கெஞ்ச வைக்கும் நிலவே
நீ பருத்திக் காட்டில் பூத்த மலரோ
பண்ணைக் காட்டில் வளர்ந்த கொடியோ

எண்ணங்கள் ஆயிரம்
எடுத்துச் சொல்ல
அருகே வா என்றால்
தள்ளி நின்று கை சாடை செய்கிறாய்
வெள்ளரி பிஞ்சு விரலால்
பாவம் காட்டுகிறாய்

உன் கண்ணில் காதல் தெரியுது
கையும் காலும் காதல் மொழி பேசுது
கனவில் கண்ட காட்சிகள்
மனதில் வந்து நிற்குது

மலர்ந்த முகம் கொடுத்து
மஞ்சள் நிறம் அள்ளி தந்து
பள்ளிப் பருவத்து ஞாபகங்கள்
தள்ளி வைத்து விட்டு
தாலாட்டும் பாடல் பாடி விடு

உந்தன் அழகு மேனியிலே
அழகு குறிப்புக்கள்  எடுக்க வேண்டும்
அருகிருந்து  சுவைக்க வேண்டும்
அருமை விருந்து தர வேண்டும் .