புண்ணியம் விதைத்து விடு.

உள்ளத்துள் ஈசனை வைத்திடு ,
உணர்ந்திடு நாளும் நலமே !
உயர்திடுவாய்,  உன்னதம் பெற்றிடுவாய் !

கள்ளமில்லா உள்ளம்,
கடவுளுக்குச் சமம் என்பேன் !
கவனமாய் செய்திடும் பணிகளெல்லாம் ,
கடவுளுக்கு படையலென்பேன் !

சொல்லில் ,பணிவு வேண்டும் .
அன்பு காட்டும் , செயல் வேண்டும் .
பசித்திருப்போருக்கு ,பகிர்ந்து கொடுத்திடல் வேண்டும்.

உதவிடும் ,உன் செயல் ,
நீ ,நட்டுவைக்கும் புண்ணிய விதையாகும் !
நாளைய ,உன் சந்ததிகளின் பெரு   வாழ்வு ,
இன்றே நன்றே காண்பாய் !

விட்டுப் போகவேண்டாம் ,
சொத்தும் , பணமும், நகையும் ,
புண்ணியம் விதைத்து விடு.!

உன் முகம் காண ஆசை

உன் முகம் காண ஆசை .
தேடுகிறேன் ,
ஜன்னல்  அருகே வந்து நின்றாய் !
ஜன்னல் கண்ணாடியில் நிழல் படமாய் ,
என்றும் இருந்துவிடு..

ஆணும்! பெண்ணும்!

ஆணும்! பெண்ணும்!

தொட்டு, தழுவி ,சிலிர்க்கவைப்பது
பெண்ணின் குளுமை  !

பெற்றதை, பெற்று மூழ்கி, துய்த்து
இன்பம் சேர்ப்பது   ஆணின் ஆளுமை !

ஒருவர்  கொடுத்து ஒருவர்  பெறுவது ,
வியாபாரம் .

இருவர் கொடுத்து, இருவரும்  பெறுவது ,
தாம்பத்தியம் .

ஒருவனுக்கு ஒருத்தி, உன்னதம் ,அது
உலகளாவிய தன்னலம் .

கட்டுப்பாடு ,தந்திடும் பொது நலம் .
கடைபிடித்தால், நாடு பெற்றிடும் சுகாதாரம் .