ஆசைகள்

பொன்னார் மேனியனைக் கண்ணாரக் காணவே ஆசை
தன்னார்வமாய் அவன் தாள்  பணியவே ஆசை
பண்ணோடு பதிகம் பாடி பரமன் புகழ் பேசவே ஆசை
மண்ணின் பெருமை  காத்து மாதவம் செய்திடவே ஆசை
கண்ணின் மணியாய் கருத்தாய் எண்ணம் நிறுத்திட ஆசை
வண்ண மலரெல்லாம் அடுக்கி அழகு பார்கவே ஆசை
உண்ணும்போதும் உறங்கும் போதும் உன்னினைவிலே இருக்க ஆசை
விண்ணில் தோன்றும் மதியாய் குறையில்லா நிறையாய் ஒளிரவே ஆசை
என்னில்   உன்னை நிறுத்தி நிறைவு பெறவே ஆசை
 எண்ணிலடங்கா  கருணைக் கடலே உந்தன் அருள் நித்தம் பெற்றிடவே ஆசை