நல்லவை நடக்கும்

வேறான செய்திகள் மாறாக வந்து சேர,
வெந்து போகுது மனம்.
தவறான செய்கைகள் தடம் புரண்டு ஓட,
மனம் தத்தளிக்குது தினம்.

கூட இருந்தே, கெடுதல் செய்வார் செயல்,
கசந்து போகுது மனம்.
பணத்தாசையின் உச்சம் பரிதவிக்குது,
மாற்ற முடியாத  குணம்.

உண்மைக்கு மாறாக  நடப்பார்,
நன்மையே அறியாத பலர்.
வெளி வேஷம், பகட்டு ,
பொய், பித்தலாட்டம்,
கூடி நின்னு ஒன்னா நிக்குது.

ஒதுங்கி நின்னு பார்க்கும் கூட்டம்,
கை கட்டி சும்மா பார்க்குது .
தினம் நடுக்குது நாட்டிலே ,
மாற்ற நினைக்க யார் உளர்.

உண்மைக்கு கை கொடு,
உயர்வுக்கு தோள்கொடு,
தவறு கண்ட இடத்தில் தட்டி கேட்டிடு,
 எட்டி நின்று பார்க்கும் கூட்டம்,
உன்னதம் அறிந்து உன்னை உயர்த்தும். 

உன்னளவில் நீ உயர்ந்தால்,
நல்லவை  நடக்கும் நாளைய உலகில்.